ಸೊಣಂಗೇರಿ : ಮಹಿಳೆ ಕುತ್ತಿಗೆಯಿಂದ ಚಿನ್ನ ಎಗರಿಸಿ ಪರಾರಿಯಾದ ಕಳ್ಳ.!

ಸೊಣಂಗೇರಿ ಬಳಿ ಮಹಿಳೆಯ ಕುತ್ತಿಗೆಯಿಂದ ಚಿನ್ನ ಕಸಿದು ಪರಾರಿಯಾದ ಘಟನೆ ನಿನ್ನೆ ರಾತ್ರಿ ನಡೆದಿದೆ.
ಸೊಣಂಗೇರಿ ಸುಳ್ಯ ರಸ್ತೆ ಬದಿ ಹೊಸಗದ್ದೆ ಬಳಿ ಹರೀಶ್ ಮನೆಯಲ್ಲಿ ಅವರ ಪತ್ನಿ ನಿರ್ಮಿತ ಎಂಬುವವರು ನಿನ್ನೆ ರಾತ್ರಿ 10.15pm ರ ವೇಳೆಗೆ ಮನೆಯ ಹಿಂಬದಿ ಶೌಚಾಲಯಕ್ಕೆ ತೆರಳಿ ಹಿಂದುರಿಗುತ್ತಿರುವಾಗ ಮನೆಯ ಹಿಂಬದಿಯಿಂದ ಬಂದ ಅಪರಿಚಿತ ವ್ಯಕ್ತಿಯೊಬ್ಬ ನಿರ್ಮಿತ ರ ಕುತ್ತಿಗೆ ಹಿಸುಕಿ ಕುತ್ತಿಗೆಯಲ್ಲಿದ್ದ ೫ ಪವನ್ ನ ಚಿನ್ನದ ಸರವನ್ನು ಎಳೆದು ಪರಾರಿಯಾಗಿರುವುದಾಗಿ ತಿಳಿದುಬಂದಿದೆ. ಸುಳ್ಯ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.