ಮಂಡೆಕೋಲು: ರಸ್ತೆಯಲ್ಲಿ ಕಾಣಿಸಿಕೊಂಡ ಆನೆಗಳ ಹಿಂಡು, ಗಾಬರಿಕೊಂಡು ಬೈಕಿನಿಂದ ಬಿದ್ದು, ಗಾಯಗೊಂಡ ಬೈಕ್ ಸವಾರ

ಸುಳ್ಯ: ಸುಳ್ಯ ಮಂಡೆಕೋಲು ರಸ್ತೆಯ ಡೆಂಜಿಗುರಿ ಪರಿಸರದಲ್ಲಿ
ಶುಕ್ರವಾರ ರಾತ್ರಿ ಆನೆಗಳ ಹಿಂಡು ಕಾಣಸಿಕ್ಕಿದ್ದು, ಅದೇ ರಸ್ತೆಯ ಮೂಲಕ ಬೈಕ್’ನಲ್ಲಿ ಬರುತ್ತಿದ್ದ ಸವಾರರೊಬ್ಬನಿಗೆ ಈ ದೃಶ್ಯ ಕಂಡು ಗಾಬರಿಗೊಂಡು ಬ್ರೇಕ್ ಹಾಕಿದ್ದಾನೆ, ಪರಿಣಾಮ ಸವಾರ
ಬಿದ್ದು ಗಾಯಗೊಂಡಿದ್ದಾರೆ ಎಂದು ತಿಳಿದುಬಂದಿದೆ. ತಾಜುದ್ದೀನ್ ಎಂಬುವರು ಸುಳ್ಯದಿಂದ ಮಂಡೆಕೋಲಿನ ಬೈಕ್‌ನಲ್ಲಿ ಹೋಗುತ್ತಿದ್ದು ಈ ವೇಳೆ ನಾಲ್ಕು ಆನೆಗಳಿದ್ದ ಹಿಂಡು ರಸ್ತೆಗೆ ಅಡ್ಡಲಾಗಿ
ಬಂದಿದೆ ಎನ್ನಲಾಗಿದೆ. ಈ ವೇಳೆ ತಾಜುದ್ದೀನ್ ರವರು ಗಲಿಬಿಲಿಗೊಂಡು ಬೈಕಿನ ಬ್ರೇಕ್ ಹಾಕಿದಾಗ ನಿಯಂತ್ರಣ ತಪ್ಪಿ ಬಿದ್ದಿದ್ದಾರೆ. ಪರಿಣಾಮ ಕಾಲಿಗೆ ಗಾಯವಾಗಿದೆ ಎಂದು ತಿಳಿದುಬಂದಿದೆ.