ಬೆಳಗಿನ ಜಾವ ಪ್ರಬಲ ಭೂಕಂಪ; ನೇಪಾಳ, ಬಿಹಾರದಲ್ಲಿ ಕಂಪಿಸಿದ ಭೂಮಿ, ಉತ್ತರ ಭಾರತ ಗಢಗಢ!

ಕಳೆದ ಕೆಲ ದಿನಗಳಿಂದ ಸಂಭವಿಸುತ್ತಿರುವ ಭೂಕಂಪ (Earthquake) ಇಂದು ಕೂಡ ಮುಂದುವರೆದಿದ್ದಿ, ನೇಪಾಳದಿಂದ (Nepal) ಭಾರತದವರೆಗೆ ಭೂಮಿಯು ನಡುಗಿದೆ. ನೇಪಾಳದಲ್ಲಿ ಶುಕ್ರವಾರ ಬೆಳಗಿನ ಜಾವ ಎರಡು ಪ್ರಬಲ ಭೂಕಂಪಗಳು ಸಂಭವಿಸಿವೆ. ಒಂದು ಬಿಹಾರ (Bihar) ಗಡಿಯ ಬಳಿ ಸಂಭವಿಸಿದರೆ, ಮತ್ತೊಂದು ಕಠ್ಮಂಡು (Kathmandu) ಬಳಿ ಸಂಭವಿಸಿದೆ ರಿಕ್ಟರ್ ಮಾಪಕದಲ್ಲಿ ಭೂಕಂಪದ ತೀವ್ರತೆ ಕ್ರಮವಾಗಿ 5.5 ಮತ್ತು 6.1 ರಷ್ಟು ದಾಖಲಾಗಿದೆ.

ಭೂಕಂಪದ ಕೇಂದ್ರಬಿಂದು ನೇಪಾಳದಲ್ಲಿದ್ದು, ಬೆಳಗಿನ ಜಾವ 2.30ರ ಸುಮಾರಿಗೆ ಸಂಭವಿಸಿದೆ. ಭೂಕಂಪದಿಂದಾಗಿ, ಪಶ್ಚಿಮ ಬಂಗಾಳ ಮತ್ತು ಬಿಹಾರದ ಸಿಲಿಗುರಿಯ ನೆಲವೂ ನಡುಗಿತು. ನೇಪಾಳದಲ್ಲಿ ಸಂಭವಿಸಿದ ಭೂಕಂಪದಿಂದಾಗಿ, ಪಾಟ್ನಾ ಮತ್ತು ಮುಜಫರ್‌ಪುರ ಸೇರಿದಂತೆ ಬಿಹಾರದ ಹಲವು ಜಿಲ್ಲೆಗಳಲ್ಲಿ ಕಂಪನದ ಅನುಭವವಾಗಿದೆ.

ಬಿಹಾರ ಗಡಿಯ ಬಳಿ ಮೊದಲ ಭೂಕಂಪ

ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರದ ಪ್ರಕಾರ, ಭೂಕಂಪದ ಕೇಂದ್ರಬಿಂದು ನೇಪಾಳವಾಗಿತ್ತು. ಮೊದಲ ಭೂಕಂಪ ಬಿಹಾರ ಗಡಿಯ ಬಳಿ ಸಂಭವಿಸಿದೆ. ನೇಪಾಳದ ಬಾಗ್ಮತಿ ಪ್ರಾಂತ್ಯದಲ್ಲಿ ತಡರಾತ್ರಿ 2.36ಕ್ಕೆ ಭೂಕಂಪನದ ಅನುಭವವಾಗಿದೆ. ಈ ಸ್ಥಳವು ಬಿಹಾರದ ಮುಜಫರ್‌ಪುರದಿಂದ ಸುಮಾರು 189 ಕಿಲೋಮೀಟರ್ ದೂರದಲ್ಲಿದೆ. ಇದರಿಂದಾಗಿ ಮಿಥಿಲಾ ಪ್ರದೇಶದಲ್ಲಿ ಮಲಗಿದ್ದ ಜನರು ಕೂಡ ಭೂಮಿಯ ಕಂಪನದಿಂದಾಗಿ ಎಚ್ಚರಗೊಂಡರು.

10 ಕಿಲೋಮೀಟರ್ ಆಳದಲ್ಲಿ ಕಂಪನ

ಪ್ರಸ್ತುತ ಭೂಕಂಪದಿಂದ ಯಾವುದೇ ನಷ್ಟದ ಸುದ್ದಿ ವರದಿಯಾಗಿಲ್ಲ. ಈ ತೀವ್ರತೆಯ ಭೂಕಂಪವು ಶಬ್ದವನ್ನು ಸೃಷ್ಟಿಸುವುದಲ್ಲದೆ, ಕೇಂದ್ರಬಿಂದುವಿನ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಸಣ್ಣಪುಟ್ಟ ಹಾನಿಯನ್ನುಂಟುಮಾಡುತ್ತದೆ. ಜರ್ಮನ್ ಭೂವಿಜ್ಞಾನ ಸಂಶೋಧನಾ ಕೇಂದ್ರ (GFZ) ಭೂಕಂಪವು 10 ಕಿಲೋಮೀಟರ್ (6.21 ಮೈಲುಗಳು) ಆಳದಲ್ಲಿದೆ ಎಂದು ಹೇಳಿದೆ.

ನೇಪಾಳದಲ್ಲಿ ಪ್ರಬಲ ಭೂಕಂಪ

ಎರಡನೇ ಭೂಕಂಪವು ಹೆಚ್ಚು ಶಕ್ತಿಶಾಲಿಯಾಗಿತ್ತು ಮತ್ತು ರಾಷ್ಟ್ರೀಯ ಭೂಕಂಪ ಮಾನಿಟರಿಂಗ್ ಮತ್ತು ಸಂಶೋಧನಾ ಕೇಂದ್ರದ ಪ್ರಕಾರ, ನೇಪಾಳದಲ್ಲಿ ಬೆಳಗಿನ ಜಾವ 2:51ಕ್ಕೆ ಭೂಕಂಪ ಸಂಭವಿಸಿದೆ. ಈ ಬಾರಿ ಅದು ಹೆಚ್ಚು ಶಕ್ತಿಶಾಲಿಯಾಗಿತ್ತು. ಕಠ್ಮಂಡುವಿನಿಂದ ಪೂರ್ವಕ್ಕೆ 65 ಕಿ.ಮೀ ದೂರದಲ್ಲಿರುವ ಸಿಂಧುಪಾಲ್ಚೌಕ್ ಜಿಲ್ಲೆಯ ಕೊಡಾರಿ ಹೆದ್ದಾರಿಯಲ್ಲಿ ಬೆಳಗಿನ ಜಾವ 2:51ಕ್ಕೆ ಭೂಕಂಪನದ ಅನುಭವವಾಯಿತು. ಇದರ ತೀವ್ರತೆ ರಿಕ್ಟರ್ ಮಾಪಕದಲ್ಲಿ 6.1 ಎಂದು ದಾಖಲಾಗಿದೆ. ಕಠ್ಮಂಡು ಕಣಿವೆ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿಯೂ ಭೂಕಂಪದ ಅನುಭವವಾಗಿದೆ.