Thalapathy Vijay: ಈ ದಿನಗಳಲ್ಲಿ ಸಾಮಾಜಿಕ ಜಾಲತಾಣ ಬಳಸದವರು ಬಹಳ ವಿರಳ, ಅದರಲ್ಲೂ ಇನ್ಸ್ಟಾಗ್ರಾಮ್ ಬಳಸದ ಸೆಲೆಬ್ರಿಟಿಗಳು ಬೆರಳೆಣಿಕೆಯಷ್ಟೇ, ಇದೀಗ ಇನ್ಸ್ಟಾಗ್ರಾಮ್‌ನಲ್ಲಿ ದಳಪತಿ ವಿಜಯ್ ಹೊಸ ದಾಖಲೆಯೊಂದನ್ನು ಸೃಷ್ಟಿಸಿದ್ದಾರೆ. ಹೌದು 2023 ನೇ ಏಪ್ರಿಲ್ 3 ರಂದು 11:36am ಕ್ಕೆ ವಿಜಯ್ ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ ಖಾತೆಯನ್ನು ತೆರೆದಿದ್ದಾರೆ. ಈವರೆಗೂ ಅಪ್ಲೋಡ್ ಮಾಡಿರುವುದು ಒಂದು ಫೋಟೋ ಹಾಗೂ ಇನ್ನೊಂದು ಸ್ಟೋರಿ ಮಾತ್ರ. ಅದಕ್ಕೆ ಸಿಕ್ಕಿರುವ ಪ್ರತಿಕ್ರಿಯೆ ಭರ್ಜರಿ ಆಗಿದೆ. ನಟ ದಳಪತಿ ವಿಜಯ್ (Thalapathy Vijay) ಅವರಿಗೆ ಇರುವ ಅಭಿಮಾನಿ ಬಳಗ ಬಹುದೊಡ್ಡದು. ಅದಕ್ಕೆ ಸೋಶಿಯಲ್ ಮೀಡಿಯಾದಲ್ಲಿ ಅವರಿಗೆ ಇರುವ ಫಾಲೋವರ್ಸ್ ಸಂಖ್ಯೆಯೇ ಸಾಕ್ಷಿ. ಇಷ್ಟು ದಿನ ಕೇವಲ ಟ್ವಿಟರ್ ಮತ್ತು ಫೇಸ್ಬುಕ್ನಲ್ಲಿ ಖಾತೆ ಹೊಂದಿದ್ದ ದಳಪತಿ ವಿಜಯ್ ಅವರು ಈಗ ಇನ್ಸ್ಟಾಗ್ರಾಮ್ (Thalapathy Vijay Instagram) ಲೋಕಕ್ಕೂ ಕಾಲಿಟ್ಟಿದ್ದಾರೆ.

https://instagram.com/actorvijay?igshid=YmMyMTA2M2Y=

ಬರುಬರುತ್ತಿದ್ದಂತೆಯೇ ಅವರು ಈ ಸೋಶಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ನಲ್ಲಿ ಸುನಾಮಿ ಎಬ್ಬಿಸಿದ್ದಾರೆ. @actorvijay ಎಂಬ ಹೆಸರಿನಿಂದ ಈ ಖಾತೆಯು ಚಾಲ್ತಿಯಲ್ಲಿದ್ದು, ಇದು ಅತ್ಯಂತ ವೇಗವಾಗಿ ಒಂದು ಮಿಲಿಯನ್ (10 ಲಕ್ಷ) ಹಿಂಬಾಲಕರನ್ನು ಪಡೆದ ಭಾರತದ ಸೆಲೆಬ್ರಿಟಿ ಎಂಬ ದಾಖಲೆಗೆ ವಿಜಯ್ ಪಾತ್ರರಾಗಿದ್ದಾರೆ. ಒಂದು ದಿನ ಕಳೆಯುವುದರೊಳಗೆ ಅವರನ್ನು (4.5M) 45 ಲಕ್ಷಕ್ಕೂ ಅಧಿಕ ಜನರು ಫಾಲೋ ಮಾಡಿದ್ದಾರೆ. ಪ್ರಸ್ತುತ (5.2M) ಅಂದರೆ 52 ಲಕ್ಷ ಜನರು ಫಾಲೋ‌ ಮಾಡಿದ್ದಾರೆ. ಹಾಗೇ ವಿಜಯ್ ಯವರು ಅಪ್ಲೋಡ್ ಮಾಡಿರುವ ಒಂದೇ ಒಂದು ಪೋಟೊಕ್ಕೆ 55 ಲಕ್ಷ ಜನರು ಲೈಕ್ ಹಾಗೂ 6 ಲಕ್ಷ ಜನರೂ ಕಾಮೆಂಟ್ ಮಾಡಿದ್ದಾರೆ. ಅಭಿಮಾನಿಗಳ ಪ್ರೀತಿ ಕಂಡು ಫಿದಾ ಆಗಿರುವ ದಳಪತಿ ವಿಜಯ್ ಅವರು ಸ್ಟೋರಿಯಲ್ಲಿ ಮತ್ತೊಂದು ಫೋಟೋ ಹಂಚಿಕೊಂಡಿದ್ದಾರೆ. ಅದು ‘ಲಿಯೋ’ ಸಿನಿಮಾದ ಶೂಟಿಂಗ್ ಸೆಟ್ನಲ್ಲಿ ಕ್ಲಿಕ್ಕಿಸಿದ ಫೋಟೋ ಎಂಬುದು ವಿಶೇಷ. ದಳಪತಿ ವಿಜಯ್ ಅವರು ಇನ್ಸ್ಟಾಗ್ರಾಮ್ಗೆ ಬರಬೇಕು ಎಂಬುದು ಅಭಿಮಾನಿಗಳ ಬಹುದಿನಗಳ ಆಸೆ ಆಗಿತ್ತು. ಅದು ಈಡೇರಿದ ಖುಷಿಯಲ್ಲಿ ಎಲ್ಲರೂ ಅವರನ್ನು ಫಾಲೋ ಮಾಡಲು ಆರಂಭಿಸಿದ್ದಾರೆ. ಪ್ರತಿ ಗಂಟೆಯೂ ಲಕ್ಷಾಂತರ ಹಿಂಬಾಲಕರು ಸೇರ್ಪಡೆ ಆಗುತ್ತಿದ್ದಾರೆ. ಇದೀಗ ಮ್ಯಾಜಿಕ್ ರೀತಿಯಲ್ಲಿ ಫಾಲೋವರ್ಸ್ ಸಂಖ್ಯೆ ಹೆಚ್ಚುತ್ತಿದೆ.

By namma.sullia

ಅಂಗೈಯಲ್ಲಿ ನಮ್ಮ ಸುಳ್ಯ

Leave a Reply

Your email address will not be published. Required fields are marked *

Open chat
ನಮ್ಮ ಸುಳ್ಯ
ಸುದ್ದಿ ಹಾಗೂ ಜಾಹಿರಾತಿಗಾಗಿ ಸಂಪರ್ಕಿಸಿ