ತಮಿಳುನಾಡು: ಎಲ್ಲಂದ್ರಲ್ಲಿ ಕೂಲ್ ಡ್ರಿಂಕ್ಸ್ ಕುಡಿಯುವವರೇ ಎಚ್ಚರ.. ತಮಿಳುನಾಡಿನ ತಿರುವಣ್ಣಾಮಲೈನ ಅಂಗಡಿಯೊಂದರಲ್ಲಿ ₹10 ರ ತಂಪು ಪಾನೀಯ ಸೇವಿಸಿ 5 ವರ್ಷದ ಬಾಲಕಿ ಸಾವನ್ನಪ್ಪಿರುವ ಘಟನೆ ನಡೆದಿದೆ. ತಿರುವಣ್ಣಾಮಲೈ ಜಿಲ್ಲೆಯ ಕನಿಕುಲುಬಾಯಿ ಗ್ರಾಮದ ಕಾರ್ಮಿಕ ರಾಜ್ ಕುಮಾರ್ ಎಂಬುವರ ಮಗಳು, 5 ವರ್ಷದ ಕಾವ್ಯಶ್ರೀ, ಅಲ್ಲಿನ ಪ್ರಾಥಮಿಕ ಶಾಲೆಯಲ್ಲಿ 1 ನೇ ತರಗತಿಯಲ್ಲಿ ಓದುತ್ತಿದ್ದಾಳೆ.
ವರದಿಗಳ ಪ್ರಕಾರ, ಕಾವ್ಯಶ್ರೀ ನಿನ್ನೆ ಈ ಪ್ರದೇಶದ ಅಂಗಡಿಯಿಂದ ₹10 ಯ ತಂಪು ಪಾನೀಯವನ್ನು ಖರೀದಿಸಿ ಅದನ್ನು ಕುಡಿದಿದ್ದಾಳೆ. ತಂಪು ಪಾನೀಯ ಸೇವಿಸಿದ ಸ್ವಲ್ಪ ಸಮಯದ ನಂತರ ಬಾಲಕಿ ಅಸ್ವಸ್ಥಳಾಗಿದ್ದು, ಕೂಡಲೇ ಸಮೀಪದ ಆಸ್ಪತ್ರೆಗೆ ಅವಳನ್ನು ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದಾಳೆ.
ಅಂಗಡಿಗಳಲ್ಲಿ ₹10 ಕ್ಕೆ ಮಾರಾಟವಾಗುವ ಕೆಲವು ಸ್ಥಳೀಯ ತಂಪು ಪಾನೀಯಗಳು ಉತ್ಪಾದನಾ ದಿನಾಂಕ ಮತ್ತು ಉಪಯೋಗ ಕೊನೆಯ ದಿನಾಂಕವನ್ನು ಉಲ್ಲೇಖಿಸಿಲ್ಲ ಮತ್ತು ಸರಿಯಾದ ನೈರ್ಮಲ್ಯವನ್ನು ಕಾಪಾಡಿಕೊಳ್ಳುತ್ತಿಲ್ಲ. ಆದ್ದರಿಂದ, ಜನರು ತಂಪು ಪಾನೀಯಗಳನ್ನು ಖರೀದಿಸಿದರೆ, ಅವರು ಕಂಪನಿಯ ಹೆಸರು, ಉತ್ಪನ್ನ ದಿನಾಂಕ ಮತ್ತು ಮುಕ್ತಾಯ ದಿನಾಂಕವನ್ನು ಹೊಂದಿದ್ದಾರೆಯೇ ಎಂದು ಪರಿಶೀಲಿಸಬೇಕು. ಆಹಾರ ಸುರಕ್ಷತಾ ಇಲಾಖೆಯ ಎಫ್‌ಎಸ್‌ಎಸ್‌ಎಐ ಚಿಹ್ನೆ ಇದೆಯೇ ಎಂದು ಪರಿಶೀಲಿಸಲು ಆಹಾರ ಸುರಕ್ಷತಾ ಇಲಾಖೆಯ ಅಧಿಕಾರಿಗಳು ಸೂಚಿಸಿದ್ದಾರೆ.