AYC ಪೈಚಾರ್: 18 ನೇ ಸ್ವಲಾತ್ ವಾರ್ಷಿಕ ರಾಜ್ಯಮಟ್ಟದ ಧಪ್ ಸ್ಪರ್ಧೆ ಹಾಗೂ ಕಚೇರಿ ಉದ್ಘಾಟನಾ ಕಾರ್ಯಕ್ರಮಕ್ಕೆ ತೆರೆ;

ಸಹೋದರ ಸಮುದಾಯದ ಐಕ್ಯತೆಗಾಗಿ ಪ್ರತ್ಯೇಕ ಪ್ರಾರ್ಥಿಸಿದ ಸಯ್ಯದ್ ಜಸೀಲ್ ಶಾಮಿಲ್ ಇರ್ಫಾನಿ ತಂಙಲ್

ಪೈಚಾರು: ಅಲ್ ಅಮೀನ್ ಯೂತ್ ಸೆಂಟರ್(ರಿ) ಇದರ ವತಿಯಿಂದ ಎರಡು ದಿನಗಳ ಕಾಲ ನಡೆದ ರಾಜ್ಯ ಮಟ್ಟದ ದಫ್ ಸ್ಪರ್ಧೆ, ನೂತನ ಕಚೇರಿ ಉದ್ಘಾಟನೆ ಹಾಗೂ ಸ್ವಲಾತ್ ವಾರ್ಷಿಕ ಕಾರ್ಯಕ್ರಮಕ್ಕೆ ನ. 25 ರಂದು ತೆರೆ ಕಂಡಿತು.

ಕೇರಳದ ಕೋಲಪ್ಪುರಂ ಭಾಗದ ಖ್ಯಾತ ವಾಗ್ಮಿ ಧಾರ್ಮಿಕ ಪಂಡಿತ ಸಯ್ಯದ್ ಜಸೀಲ್ ಶಾಮಿಲ್ ಇರ್ಫಾನಿ ತಂಙಳ್ ರವರು ಸ್ವಲಾತ್ ಹಾಗೂ ದುವಾ ಮಜ್ಜಿಸ್ ನೇತೃತ್ವವನ್ನು ವಹಿಸಿ ಮಾತನಾಡಿ ಸ್ವಲಾತಿನ ಬಗ್ಗೆ ಸಂದೇಶ ನುಡಿಗಳನ್ನಾಡಿದರು. ಹಾಗೇ ಸರ್ವ ಧರ್ಮದ ಶಾಂತಿಗಾಗಿ ಪ್ರಾರ್ಥನೆ ಮಾಡಿದರು

ಈ ವೇಳೆ ಮಾತನಾಡಿದ ಅವರು ಸುಳ್ಯದ ಪೈಚಾರಿನ ಯುವಕರ ತಂಡವು ಅಲ್ ಅಮೀನ್ ಯೂತ್ ಸೆಂಟರ್ ಎಂಬ ಹೆಸರಿನ ಸಂಸ್ಥೆಯನ್ನು ಕಟ್ಟಿ ಸಾವಿರಾರು ಬಡ ಕುಟುಂಬಕ್ಕೆ ಕಷ್ಟದ ಸಮಯದಲ್ಲಿ ಸಹಾಯ ಹಸ್ತವನ್ನು ನೀಡುತ್ತಿರುವುದು ಶ್ಲಾಘನೀಯವಾಗಿದೆ. ಇಂತಹ ಯುವಕರನ್ನು ಪ್ರೋತ್ಸಾಹಿಸುವುದು ಮತ್ತು ಸಹಕರಿಸುವುದು ನಮ್ಮೆಲ್ಲರ ಆದ್ಯ ಕರ್ತವ್ಯವಾಗಿದೆ. ಆದರ್ಶ ಮತ್ತು ವಿಶ್ವಾಸ ಇಲ್ಲದ ಸೇವೆಯು ಸಮಾಜದಲ್ಲಿ ನಿಷ್ಟ್ರಯೋಜಕ. ಯಾವುದೇ ಉತ್ತಮ ಕಾರ್ಯಕ್ರಮವನ್ನು ಮಾಡುವುದಾದರೂ ಅದು ಸರ್ವಶಕ್ತನಾದ ಅಲ್ಲಾಹನ ಮೇಲೆ ಇರುವ ಭಯದಿಂದ ಆಗಿರಬೇಕೆಂದು ಹೇಳಿದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಅಲ್ ಅಮೀನ್ ಯೂತ್ ಸೆಂಟರ್ ಇದರ ಗೌರವ ಅಧ್ಯಕ್ಷ ಹಾಜಿ ಇಬ್ರಾಹಿಂ ಫೈಝಿ ವರಿಸಿದ್ದರು.

ಮೊಗರ್ಪಣೆ ಜುಮಾ ಮಸೀದಿಯ ಖತೀಬ್ ಹಾಫಿಲ್ ಸೌಕತ್ ಅಲಿ ಸಖಾಫಿ ಹಾಗೂ ಅಂಬಟೆಡ್ಕ ಇಕ್ರಾ ಜುಮಾ ಮಸೀದಿ ಖತೀಬರಾದ ಸೈಯದ್ ಮಾರಿಫ್ ರಜಾ ರವರು ಕಾರ್ಯಕ್ರಮಕ್ಕೆ ಶುಭ ಹಾರೈಸಿ ಮಾತನಾಡಿದರು.

ಸ್ಥಳೀಯ ಪೈಚಾರು ಜುಮಾ ಮಸೀದಿಯ ಖತೀಬರಾದ ಶಮೀ‌ರ್ ಅಹಮದ್ ನಈಮಿ ಪ್ರಭಾಷಣ ನಡೆಸಿದರು.

ವೇದಿಕೆಯಲ್ಲಿ ಮುಖ್ಯ ಅತಿಥಿಗಳಾಗಿ ಸಯ್ಯದ್ ತ್ವಾಹಿರ್ ಸಅದಿ ತಂಜಳ್ ಸುಳ್ಯ, ಸಯ್ಯದ್ ಝೈನುಲ್ ಆಬಿದೀನ್ ತಂಙಳ್ ಜಯನಗರ, ಹಾಫಿಲ್ ಹಾಮಿದ್ ಹಿಮಮಿ ಸಖಾಫಿ ಅನ್ಸಾರಿಯ ನಾವೂರು, ಇರ್ಫಾನ್ ಸಖಾಫಿ ಅಲ್ ಹಿಕಮಿ ಅಲ್ ಅರ್ಶದಿ ಗಾಂಧಿನಗರ, ಉದ್ಯಮಿ ಅಬ್ದುಲ್ ರಹಿಮಾನ್ ಸಂಕೇಶ್, ಮುನೀರ್ ಸಅದಿ ಅಲ್ ಅರ್ಶದಿ ಜಾಲ್ಲೂರು, ಅಶ್ರಫ್ ಮುಸ್ಲಿಯಾರ್ ಕುಂಭರ್ಚೋಡು, ಹಂಝ ಝಹರಿ ಸದರ್ ಮುಅಲ್ಲಿಂ, ಮುಹಮ್ಮದ್ ಜಸೀರ್ ಸಖಾಫಿ ಮುಅಲ್ಲಿಂ ಖುವ್ವತುಲ್‌ ಇಸ್ಲಾಂ ಮದರಸ ಪೈಚಾರ್ ರಶೀದ್ ಝನಿ ಸದರ್ ಮುಅಲ್ಲಿಂ ಶಾಂತಿನಗರ, ದುಗಲಡ್ಕ ಮುಹಿಯ್ಯದ್ದೀನ್ ಜುಮಾ ಮಸ್ಟಿದ್‌ ಸಮಿತಿ ಅಧ್ಯಕ್ಷ ಹಾಜಿ ಅಬ್ದುಲ್ ರಹಿಮಾನ್, ಪೈಂಬೆಚ್ಚಾಲು ಬದ್ರಿಯಾ ಜುಮಾ ಮಸೀದಿ ಆಡಳಿತ ಸಮಿತಿಯ ಅಧ್ಯಕ್ಷ ಅಬ್ದುಲ್ ಖಾದರ್ ಟಿ ಎಂ, ಪೈಚಾರ್ ಜುಮಾ ಮಸೀದಿಯ ಪ್ರಧಾನ ಕಾರ್ಯದರ್ಶಿ ಹನೀಫ್ ಪಿ ಕೆ, ಎಸ್ ಎಂ ಎ ಸುಳ್ಯ ರೀಜಿನಲ್‌ ಅಧ್ಯಕ್ಷ ಅಬ್ದುಲ್ ಹಮೀದ್ ಸುಣ್ಣ ಮೂಲೆ, ಜಯನಗರ ಮಸ್ಜಿದ್ ಮತ್ತು ಮದರಸ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಹಸೈನಾರ್ ಜಯನಗರ, ಅಲ್ ಅಮೀನ್ ಯೂತ್ ಸೆಂಟರ್ ಅಧ್ಯಕ್ಷ ಅಬ್ದುಲ್ ಸತ್ತಾರ್, ಉಪಾಧ್ಯಕ್ಷ ಹನೀಫ ಅಲ್ಪಾ, ಪೈಚಾರು ಕಾರ್ ಬಜಾರ್ ಮಾಲಕರಾದ ಹಸೈನಾ‌ರ್ ಹಾಜಿ, ಅಲ್ ಅಮೀನ್ ಯೂತ್ ಸೆಂಟರ್ ಪ್ರಧಾನ ಕಾರ್ಯದರ್ಶಿ ಅಬುಸಾಲಿ, ಹಾಗೂ ಸ್ಥಳೀಯ ಮುಖಂಡರಾದ ಅಬ್ಬಾಸ್ ಪಿ, ರಜಾಕ್ ಆರ್ತಾಜೆ, ಮುಹಿಯದ್ದೀನ್ ಲತೀಫಿ, ಖಾದರ್ ಅಡ್ಕಾರ್,ಮಾಜಿ ಅಧ್ಯಕ್ಷ ಇಬ್ರಾಹಿಂ,ಹಾಜಿ ಮುಸ್ತಫಾ ಸುಳ್ಯ, ಶರೀಫ್ ಟಿ ಎ ಮೊದಲಾದವರು ಉಪಸ್ಥಿತರಿದ್ದರು.

ಸಂಘಟನೆಯ ವತಿಯಿಂದ ಸೈಯದ್ ಜಸೀಲ್ ಶಾಮಿಲ್ ಇರ್ಫಾನ್ ತಂಙಳ್ ರವರನ್ನು ಗೌರವಿಸಿ ಸನ್ಮಾನಿಸಲಾಯಿತು. ಹಾಗೂ ಪ್ರಗತಿ ಲೈಟಿಂಗ್ಸ್ ಅಂಡ್ ಸೌಂಡ್ಸ್ ಮಾಲಕ ಶಾಫಿ ಪ್ರಗತಿ, ಪತ್ರಕರ್ತ ಹಸೈನಾರ್ ಜಯನಗರ ಇವರಿಗೆ ಸ್ಮರಣಿಕೆ ನೀಡಿ ಗೌರವಿಸಲಾಯಿತು.