ಸಮಹಾದಿ: ರಿಫಾಯಿ ಯೂತ್ ಫೆಡರೇಶನ್ ವಾರ್ಷಿಕ ಮಹಾಸಭೆ; ನೌಫಲ್ ಪಿ.ಎಂ ನೂತನ ಅಧ್ಯಕ್ಷರಾಗಿ ಆಯ್ಕೆ

ಸಮಹಾದಿ: ರಿಫಾಯಿ ಜುಮ್ಮಾ ಮಸ್ಜಿದ್ ಸಮಹಾದಿ ಇದರ ಅಧೀನಕ್ಕೊಳಪಟ್ಟ ರಿಫಾಯಿ ಯೂತ್ ಫೆಡರೇಶನ್ ಸಮಹಾದಿ ಘಟಕದ ವಾರ್ಷಿಕ ಮಹಾಸಭೆಯು ಜ.22 ರಂದು ಅತ್ಯಂತ ಯಶಸ್ವಿಯಾಗಿ ಜರುಗಿತು.
ಸಭೆಯ ಆರಂಭದಲ್ಲಿ ಬಹು: ರಫೀಕ್ ನಿಝಾಮಿ ಅವರು ದುವಾ ನೆರವೇರಿಸಿ, ಸಂಘಟನೆಯ ಏಳಿಗೆಗೆ ಹಾರೈಸಿದರು. ಜುಮ್ಮಾ ಮಸ್ಜಿದ್ ಮತ್ತು ದರ್ಗಾ ಶರೀಫ್ ಬೈತಡ್ಕ ಇದರ ಅಧ್ಯಕ್ಷರಾದ ಇಕ್ಬಾಲ್ ಪಿಬಿ ಬೈತಡ್ಕ ಅವರ ಅಧ್ಯಕ್ಷತೆಯಲ್ಲಿ ನಡೆದ ಈ ಮಹಾಸಭೆಯಲ್ಲಿ, ಕಳೆದ ಸಾಲಿನ ಚಟುವಟಿಕೆಗಳ ಬಗ್ಗೆ ಚರ್ಚಿಸಲಾಯಿತು ಹಾಗೂ 2026ನೇ ಸಾಲಿನ ನೂತನ ಸಮಿತಿಯನ್ನು ರಚಿಸಲಾಯಿತು.

ನೂತನ ಸಮಿತಿಯ ವಿವರ:
ಸಂಘಟನೆಯ ನೂತನ ಅಧ್ಯಕ್ಷರಾಗಿ ನೌಫಲ್ ಪಿ.ಎಂ ಅವರು ಸರ್ವಾನುಮತದಿಂದ ಆಯ್ಕೆಯಾದರು. ಉಳಿದಂತೆ ಪದಾಧಿಕಾರಿಗಳ ವಿವರ ಇಂತಿದೆ:

ಉಪಾಧ್ಯಕ್ಷರು: ಹಾರಿಸ್ ಸಮಹಾದಿ
ಪ್ರಧಾನ ಕಾರ್ಯದರ್ಶಿ: ಶಾಕಿರ್ ಹೆಚ್.
ಕಾರ್ಯದರ್ಶಿ: ರಿಯಾಜ್ ರಾಗಿಪೇಟೆ
ಕೋಶಾಧಿಕಾರಿ: ಮುಸ್ತಫಾ ಸಮಹಾದಿ
ಸಂಘಟನಾ ಕಾರ್ಯದರ್ಶಿ: ಬಶೀರ್ ರಾಗಿಪೇಟೆ

ಕಾರ್ಯಕಾರಿ ಸಮಿತಿ ಸದಸ್ಯರು:
ಫಾರೂಕ್ ರಾಗಿಪೇಟೆ, ವಾಜಿದ್ ಅಲೆಕಾಡಿ, ಸುಹೈಬ್ ರಾಗಿಪೇಟೆ, ಮೊಹಮ್ಮದ್ ರೈಸ್ ಮತ್ತು ಮೊಹಮ್ಮದ್ ರಿಜಾಸ್ ಅವರು ಕಾರ್ಯಕಾರಿ ಸಮಿತಿಯ ಸದಸ್ಯರಾಗಿ ಆಯ್ಕೆಯಾಗಿದ್ದಾರೆ. ಈ ವಾರ್ಷಿಕ ಮಹಾಸಭೆಯಲ್ಲಿ ರಿಫಾಯಿ ಜುಮ್ಮಾ ಮಸ್ಜಿದ್ ಸಮಹಾದಿ ಆಡಳಿತ ಸಮಿತಿಯ ಸದಸ್ಯರು ಹಾಗೂ ಜಮಾಅತ್ ಸದಸ್ಯರು ಉಪಸ್ಥಿತರಿದ್ದು, ನೂತನ ಪದಾಧಿಕಾರಿಗಳಿಗೆ ಶುಭ ಹಾರೈಸಿದರು.