ಬೆಟ್ಟಂಪಾಡಿ (ಕೋರಿಂಗಿಲ), ಮೇ 18: ಪವಿತ್ರ ಹಜ್ ಯಾತ್ರೆ ಕೈಗೊಳ್ಳಲಿರುವ ಕೋರಿಂಗಿಲ ಕೆ.ಜೆ.ಎಂ. ಮಾಜಿ ಕಾರ್ಯದರ್ಶಿ ಹಾಗೂ ಇರ್ದೆ ಪಲ್ಲಿತ್ತಡ್ಕ ಉರೂಸ್ ಸಮಿತಿಯ ಪ್ರಸ್ತುತ ಅಧ್ಯಕ್ಷರಾದ ಶಾಹುಲ್ ಹಮೀದ್ ಕೆ.ಎಂ.ಕೆ ಅವರಿಗೆ ಕೋರಿಂಗಿಲದಲ್ಲಿ ಹಜ್ ಬೀಳ್ಕೊಡುಗೆ ಸಮಾರಂಭವನ್ನು ಹಮ್ಮಿಕೊಳ್ಳಲಾಗಿತ್ತು.
ಯಾತ್ರೆಗೆ ಹೊರಟಿರುವ ಶಾಹುಲ್ ಹಮೀದ್ ಅವರಿಗೆ ಸಮಾರಂಭದಲ್ಲಿ ದುಆ ನೆರವೇರಿಸಿ, ಶಾಲು ಹೊದಿಸಿ ಆತ್ಮೀಯವಾಗಿ ಬೀಳ್ಕೊಡಲಾಯಿತು.
ಪ್ರಮುಖರ ಉಪಸ್ಥಿತಿ:
ಕಾರ್ಯಕ್ರಮದಲ್ಲಿ ಕೋರಿಂಗಿಲ ಕೆ.ಜೆ.ಎಂ. ಅಧ್ಯಕ್ಷರಾದ ಮೊಹಮ್ಮದ್ ಕುಂಞಿ ಹಾಜಿ ಕೆ.ಎಂ.ಕೆ ಹಾಗೂ ಸೈಫ್ ಪಟೇಲ್ ಅವರು ಉಪಸ್ಥಿತರಿದ್ದು, ಯಾತ್ರಿಕರಿಗೆ ಶುಭ ಹಾರೈಸಿದರು. ಈ ಸಂದರ್ಭದಲ್ಲಿ ಸ್ಥಳೀಯ ಮಹಲ್ಲತ್ನ ಪ್ರಮುಖರು, ಮುಖಂಡರು ಹಾಗೂ ಸಾರ್ವಜನಿಕರು ಉಪಸ್ಥಿತರಿದ್ದು ಹಜ್ ಯಾತ್ರೆ ಸುಖಕರವಾಗಲಿ ಎಂದು ಹರಸಿದರು.
