2026ರ ಫಿಫಾ ವಿಶ್ವಕಪ್ನಲ್ಲಿ ತಮ್ಮ ಅದ್ಭುತ ಆಟದ ಮೂಲಕ ಜಾಗತಿಕ ಮಟ್ಟದಲ್ಲಿ ಗಮನ ಸೆಳೆದಿರುವ ಕೇಪ್ ವರ್ಡೆ ತಂಡದ 40 ವರ್ಷದ ಗೋಲ್ಕೀಪರ್ ವೊಜಿನ್ಹಾ, ಇನ್ಸ್ಟಾಗ್ರಾಮ್ನಲ್ಲಿ ವಿಶ್ವದ ಅತಿ ಹೆಚ್ಚು ಫಾಲೋವರ್ಸ್ ಹೊಂದಿರುವ ಗೋಲ್ಕೀಪರ್ ಎಂಬ ಐತಿಹಾಸಿಕ ದಾಖಲೆ ನಿರ್ಮಿಸಿದ್ದಾರೆ.
ಟೂರ್ನಿ ಆರಂಭಕ್ಕೂ ಮುನ್ನ ಕೇವಲ 46,000 ಫಾಲೋವರ್ಸ್ ಹೊಂದಿದ್ದ ವೊಜಿನ್ಹಾ, ಸ್ಪೇನ್, ಉರುಗ್ವೆ ಮತ್ತು ಅರ್ಜೆಂಟೀನಾ ವಿರುದ್ಧದ ಪಂದ್ಯಗಳಲ್ಲಿ ತೋರಿದ ಅಸಾಮಾನ್ಯ ಪ್ರದರ್ಶನದಿಂದಾಗಿ ಕೇವಲ ಮೂರೇ ವಾರಗಳಲ್ಲಿ 20 ಮಿಲಿಯನ್ಗಿಂತಲೂ (2 ಕೋಟಿ) ಹೆಚ್ಚು ಹೊಸ ಫಾಲೋವರ್ಸ್ ಅನ್ನು ಗಳಿಸಿದ್ದಾರೆ.
ಸ್ಪೇನ್ ವಿರುದ್ಧದ ಪಂದ್ಯದಲ್ಲಿ 7 ಅದ್ಭುತ ಸೇವ್ಗಳನ್ನು ಮಾಡಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದಿದ್ದ ಅವರು, ಇಕರ್ ಕಸಿಯಸ್, ಕೈಲರ್ ನವಾಸ್ ಮತ್ತು ಥಿಬಾಟ್ ಕೋರ್ಟೊಯಿಸ್ ಅವರಂತಹ ದಿಗ್ಗಜ ಗೋಲ್ಕೀಪರ್ಗಳನ್ನು ಹಿಂದಿಕ್ಕಿ ಈ ಸಾಧನೆ ಮಾಡಿದ್ದಾರೆ. ಕೇವಲ 5 ಲಕ್ಷ ಜನಸಂಖ್ಯೆ ಇರುವ ಕೇಪ್ ವರ್ಡೆ ದೇಶದ ಈ ಆಟಗಾರನಿಗೆ, ಇದೀಗ ಜಗತ್ತಿನಾದ್ಯಂತ ಅಭಿಮಾನಿಗಳ ದಂಡೇ ಸೃಷ್ಟಿಯಾಗಿದೆ.
