ಬೃಹತ್‌ ಬೆಂಗಳೂರು ಮಹಾನಗರ ಪಾಲಿಕೆ (BBMP) ಇದೀಗ ಇತಿಹಾಸದ ಪುಟ ಸೇರುತ್ತಿದ್ದು, ಮಂಗಳವಾರ ಎಂದರೆ ಇಂದಿನಿಂದ ಗ್ರೇಟರ್‌ ಬೆಂಗಳೂರು ಪ್ರಾಧಿಕಾರ (GBA) ಆಡಳಿತ ಚಾಲನೆಗೆ ಬರುತ್ತಿದೆ. ಒಂದೇ ನಗರ ನಾಗರಿಕ ಸಂಸ್ಥೆಯ ಸ್ಥಳದಲ್ಲಿ ಐದು ಹೊಸ ಪುರಸಭೆಗಳನ್ನು ಕಾರ್ಯಗತಗೊಳಿಸಲು 45 ದಿನಗಳ ಕಾಲಾವಕಾಶ ಮುಗಿದಿರುವುದರಿಂದ ಇದೀಗ ಜಿಬಿಎ ಆಡಳಿತ ಪ್ರಾರಂಭವಾಗಲಿದೆ.
ಜಿಬಿಎ ಆಡಳಿತ ಮಂಗಳವಾರದಿಂದ ಚಾಲನೆಗೆ ಬರುತ್ತಿರುವ ಹಿನ್ನೆಲೆಯಲ್ಲಿ, ಜಿಬಿಎ ವ್ಯಾಪ್ತಿಯಲ್ಲಿ ಚುನಾವಣೆಗೆ ಸಂಬಂಧಿಸಿದಂತೆ ನಿಯಮ ರೂಪಿಸಿರುವ ರಾಜ್ಯ ಸರ್ಕಾರ ಅಧಿಸೂಚನೆ ಪ್ರಕಟಿಸಿದೆ. ಬಿಬಿಎಂಪಿ ಆಡಳಿತ ವ್ಯಾಪ್ತಿಯನ್ನು 5 ನಗರ ಪಾಲಿಕೆಗಳಿಗೆ ಹಂಚಿಕೆ ಮಾಡಿ ರಾಜ್ಯ ಸರ್ಕಾರ ಆದೇಶಿಸಿದೆ. ಅಲ್ಲದೆ ಈ ನಗರ ಪಾಲಿಕೆಗಳ ಮೇಲೆ ನಿಗಾ ವಹಿಸಲು ಜಿಬಿಎ ರಚಿಸಲಾಗಿದ್ದು, ಮಂಗಳವಾರದಿಂದ ಬಿಬಿಎಂಪಿ ರದ್ದಾಗಿ ಜಿಬಿಎ ಆಡಳಿತ ಆರಂಭವಾಗಲಿದೆ.
ಅದಕ್ಕೆ ಸಂಬಂಧಿಸಿದಂತೆ ಮಂಗಳವಾರ ಅಂತಿಮ ಅಧಿಸೂಚನೆ ಪ್ರಕಟವಾಗಲಿದೆ ಹಾಗೂ ಬಿಬಿಎಂಪಿ ಕೇಂದ್ರ ಕಚೇರಿಯಲ್ಲಿನ ನಾಮಫಲಕಗಳು ಕೂಡಾ ಬದಲಾಗಲಿದೆ. ಅದಕ್ಕೂ ಮುನ್ನ ಜಿಬಿಎ ವ್ಯಾಪ್ತಿಯ ನಗರ ಪಾಲಿಕೆಗಳಲ್ಲಿ ಕೈಗೊಳ್ಳಲಾಗುವ ಚುನಾವಣೆಗಳಿಗೆ ಸಂಬಂಧಿಸಿದಂತೆ ನಿಯಮಗಳನ್ನು ರೂಪಿಸಿ ಸರ್ಕಾರ ಅಧಿಸೂಚನೆ ಪ್ರಕಟಿಸಿದೆ.
ಐದು ನಿಗಮ ಆಯುಕ್ತರು ಮತ್ತು ತಾಂತ್ರಿಕ ಸಿಬ್ಬಂದಿಗಳ ನೇಮಕಾತಿ ಹಾಗೂ ವಾರ್ಡ್ ಗಡಿಗಳನ್ನು ಪುನರ್ರಚಿಸಲು ಡಿಲಿಮಿಟೇಶನ್ ಆಯೋಗದ ರಚನೆ ಸೇರಿದಂತೆ ಸರ್ಕಾರವು ಹಲವಾರು ಆದೇಶಗಳನ್ನು ಹೊರಡಿಸುವ ಸಾಧ್ಯತೆ ಇದೆ. ಈ ಪರಿವರ್ತನೆಯ ಗಾತ್ರ ಮತ್ತು ಪ್ರಮಾಣವನ್ನು ಗಮನಿಸಿದರೆ, ಸೇವೆಗಳ ಮೇಲೆ ಅಡ್ಡಿಯುಂಟಾಗೋದು ಖಚಿತ ಎನಿಸಿದೆ. ವಿಶೇಷವಾಗಿ ಖಾತಾಗಳ ವಿತರಣೆ, ನಡೆಯುತ್ತಿರುವ ಕೆಲಸಗಳು ಮತ್ತು ಕುಂದುಕೊರತೆ ಪರಿಹಾರ, ಕಟ್ಟಡ ಉಲ್ಲಂಘನೆಗಳ ಬಗ್ಗೆ ಸಮಯ-ಸೂಕ್ಷ್ಮ ದೂರುಗಳು ಸೇರಿದಂತೆ ಇತ್ಯಾದಿ ಸೇವೆಗಳ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇದೆ.
ಇನ್ನು ಜಿಬಿಎ ವಾರ್ಡ್ ಕಚೇರಿಗಳು ಈಗಿರುವಂತೆಯೇ ಇರಲಿವೆ. ಆದರೆ ವಲಯ, ವಿಭಾಗೀಯ ಮತ್ತು ಉಪ-ವಿಭಾಗೀಯ ಸಾಂಸ್ಥಿಕ ವ್ಯವಸ್ಥೆಯು ಸಿಬ್ಬಂದಿ ಬಲ ಮತ್ತು ರಚನೆ ಎರಡರಲ್ಲೂ ಭಾರಿ ಬದಲಾವಣೆಗಳಾಗಲಿವೆ. ಸರ್ಕಾರ ಅಧಿಸೂಚನೆ ಹೊರಡಿಸಿದ ನಂತರ ಹೊಸ ವ್ಯವಸ್ಥೆಗೆ ಹೊಂದಿಕೊಳ್ಳಲು ನಾಗರಿಕ ಸಂಸ್ಥೆ ಉತ್ತಮವಾಗಿ ಸಿದ್ಧವಾಗಿದೆ ಎಂದು ಬಿಬಿಎಂಪಿ ಮುಖ್ಯ ಆಯುಕ್ತ ಎಂ. ಮಹೇಶ್ವರ್ ರಾವ್ ಹೇಳಿದ್ದಾರೆ.
ಪ್ರಸ್ತುತ ಇರುವ ವ್ಯವಸ್ಥೆಗಳಲ್ಲಿ ನಮಗೆ ಹೆಚ್ಚಿನ ಅಡಚಣೆಗಳು ಕಾಣುತ್ತಿಲ್ಲ. ಹಣಕಾಸು ವರ್ಷದ ಕೆಲಸಗಳಿಗೆ ಈಗಾಗಲೇ ಅನುಮೋದನೆ ದೊರೆತಿರುವುದರಿಂದ, ಹೊಸ ನಿಗಮಗಳು ಹೊಸ ಬಜೆಟ್ ಮಂಡಿಸುವುದಿಲ್ಲ. ಆದರೆ ಪೂರಕ ಬಜೆಟ್ ಅನ್ನು ಅಂಗೀಕರಿಸಬಹುದು ಎಂದು ಅವರು ಹೇಳಿದ್ದಾರೆ.
ಸರ್ಕಾರವು ಐದು ನಿಗಮಗಳಿಗೆ ಆಯುಕ್ತರನ್ನಾಗಿ ವ್ಯಾಪಕ ಆಡಳಿತಾತ್ಮಕ ಅನುಭವ ಹೊಂದಿರುವ ಹಿರಿಯ ಅಧಿಕಾರಿಗಳನ್ನು ನೇಮಿಸಲಿದೆ. ಸ್ಥಳೀಯವಾಗಿ ಕೆಲಸ ಮಾಡಿದವರನ್ನು ಗುರುತಿಸುವ ಮೂಲಕ ಸರ್ಕಾರವು ತಾಂತ್ರಿಕ ಮತ್ತು ತಾಂತ್ರಿಕೇತರ ಸಿಬ್ಬಂದಿ ಹುದ್ದೆಗಳನ್ನು ಭರ್ತಿ ಮಾಡಲಿದೆ ಎಂದು ಡಿಸಿಎಂ ಡಿಕೆ ಶಿವಕುಮಾರ್ ಹೇಳಿದ್ದಾ